Feed on
Posts
Comments

Bók um átröskun

bookcover

Horfin inn í heim átröskunar

Höfundar: Þórdís Rúnarsdóttir, sálfræðingur og Ásrún Eva Harðardóttir.

Hér er athyglisverð umfjöllun og greining á einum banvænasta geðsjúkdómi nútímans. Höfundarnir berjast gegn fordómum og gefa mynd af vandanum eins og hann er í raun og veru. Mest er þó um verð sú von sem þær glæða með lesandanum. Þessi bók varð til í samstarfi Ásrúnar Evu og Þórdísar. Ásrún Eva rekur sögu sína á hrífandi og átakanlegan hátt og Þórdís greinir sjúkdóminn.

Ásrún Eva Harðardóttir er ung kona sem hvarf inn í heim átröskunar þegar hún var níu ára gömul. Í 13 ár lifði hún undir oki brenglaðrar sjálfsmyndar sem kostaði hana nærri því lífið. Hér deilir hún með okkur reynslu sinni sem er bæði sláandi en gefandi lesning, jafnt fyrir þá sem þjást af átröskun og aðra sem vilja vita meira um sjúkdóminn sem oft getur verið falinn.

Þórdís Rúnarsdóttir lauk doktorsnámi í sálfræði í San Francisco þar sem hún sérhæfði sig í átröskunarsjúkdómum og starfaði á tveimur átröskunardeildum Kaiser Permanente sjúkrahússins. Hún er annar höfundur bókarinnar og fjallar um sjúkdóminn frá faglegu sjónarhorni.

Saman berjast þær gegn fordómum og lýsa vandanum eins og hann er í raun og veru. Þær glæða líka von með lesandanum, enda er Ásrún Eva lifandi sönnun þess að það er leið til baka og hægt að losna úr viðjum átröskunar.

Allt of algengt er að stúlkur og ungar konur stundi megrunarkúra til að mæta endalausum kröfum tískunnar um að vera ofurgrannar. Í einhverjum tilfellum getur það leitt til átröskunar og nauðsynlegt er að vera á varðbergi gagnvart þessum háskalega sjúkdómi

Bókin fæst hér.

Comments are closed.